ჩრდილოეთ კაროლინელმა კაცმა ქიმიოთერაპიის კურსის ბოლო დღეს ლატარიის ბილეთით 200 ათასი დოლარი მოიგო. რონი ფოსტერი მსხვილი ნაწლავის სიმსივნეს ებრძვის.

როგორც ის ამბობს, გზად გადასაფხეკი ლატარიის ბილეთი იყიდა იმ იმედით, რომ მოგების შემთხვევაში, მკურნალობის ხარჯებს უფრო მარტივად დაფარავდა. მისი სიტყვებით, პირველი ბილეთით $5 მოიგო, რითიც კიდევ ორი ბილეთი იყიდა. პირველის შემთხვევაში მან ვერაფერი მოიგო, თუმცა მეორე ბილეთში დიდი სიურპრიზი ელოდა:

"გადაფხეკა დავიწყე და უეცრად უამრავი ნული დავინახე. ადგილზე გავიყინე".

ფოსტერის თქმით, ის ისედაც ბედნიერი იყო, რადგან ქიმიოთერაპიას ასრულებდა, თუმცა ამ მოგებით თავი კიდევ უფრო იმედიანად იგრძნო. ის ამბობს, რომ ახლა მკურნალობის ხარჯებს უფრო მარტივად დაფარავს.