თბილისის მერიის გადაწყვეტილებით, ვარკეთილის ხაზზე, #39 მარშრუტზე მოძრავი 12-მეტრიანი ავტობუსები უფრო პატარათი შეიცვალა. თუმცა ამ ხაზზე პიკის საათებში ვერც 12-მეტრიანი ავტობუსები ახერხებდა მგზავრთა ნაკადის გადაყვანას და მათ ნაწილს გაჩერებაზე დარჩენა უწევდა.

თბილისის სატრანსპორტო კომპანიაში ირწმუნებიან, რომ პატარა ავტობუსს დიდთან შედარებით მეტი მგზავრი გადაჰყავს.

"ის, რომ ამ ცვლილებას ხელი შეეშალა მგზავრთა გადაყვანაში, ეს ასე არ ყოფილა. პირიქით, ინტერვალის შემცირებამ მისცა საშუალება, რომ მეტი მგზავრი გადაეყვანა".

გარდა ამისა, კომპანიაში განაცხადეს, რომ 9 ავტობუსის ნაცვლად ხაზზე ახლა 10 მოძრაობს.

ვარკეთილში #39 სამარშრუტო ხაზზე 12-მეტრიანი ავტობუსები 2017 წლის 8 აგვისტოდან მოძრაობდა.