ევროკავშირის ქვეყნებმა დაბლოკეს ჩრდილოეთ მაკედონიისა და ალბანეთის სურვილი ორგანიზაციაში გაწევრიანების შესახებ.

BBC-ის ინფორმაციით, ალბანეთისთვის უარის თქმის ინიციატორი საფრანგეთი იყო, რომელსაც დანია და ნიდერლანდები შეუერთდა. ჩრდილოეთ მაკედონიას კი უარი მხოლოდ საფრანგეთმა უთხრა. იმისთვის, რომ ორგანიზაციაში გაწევრიანების განხილვა დაიწყოს ყველა ქვეყნის თანხმობაა საჭირო.

ამ გადაწყვეტილებას ევროკომისიის პრეზიდენტმა, ჟან-კლოდ იუნკერმა ისტორიული შეცდომა უწოდა. ევროპული საბჭოს პრეზიდენტმა, დონალდ ტუსკმა კი განაცხადა, რომ ეს ქვეყნების მარცხი კი არა შეცდომაა.