General Motors-მა და Lynx Motors-მა Cadillac-ის საქართველოს ბაზარზე შემოსვლა ოფიციალურად დააანონსეს. ლეგენდარული ამერიკული პრემიუმ და ლუქს ბრენდის საქართველოში შემოსვლა მომხმარებლებისთვის ახალ გამოცდილებას შექმნის და ქვეყნის პრემიუმ და ლუქს საავტომობილო ბაზრის განვითარებას შეუწყობს ხელს.

"ჩვენთვის განსაკუთრებით სასიხარულოა ის ფაქტი, თუ რას ნიშნავს Cadillac-ის შემოსვლა ქართველი მომხმარებლისთვის. მრავალი წელია, ქართველი მომხმარებელი ამერიკული ავტომობილების მიმართ ინტერესს გამოხატავს. გვინდა, მათ გავუზიაროთ ის უნიკალური გამოცდილება, რომელიც Cadillac-ის დიზაინს, ტექნოლოგიას, ხარისხსა და გამორჩეულ ხასიათს აერთიანებს," — განაცხადა GM International and China-ს ვიცე-პრეზიდენტმა — GPSC და GM Central Asia-ს აღმასრულებელი ხელმძღვანელმა ტომი ჰოსიამ.

Cadillac-ის შოურუმი უახლოეს პერიოდში თბილისში, უნივერსიტეტის ქუჩაზე გაიხსნება. სამსართულიანი კომპლექსი შოურუმს, მომხმარებელთა პრემიუმ ლაუნჯსა და მაღალტექნოლოგიურ სერვისცენტრს გააერთიანებს.

Lynx Motors-ის გუნდი, როგორც Cadillac-ის ოფიციალური წარმდგენი საქართველოში, პროცესს პრემიუმ და ლუქს საავტომობილო ბაზარზე დაგროვილი მრავალწლიანი ცოდნისა და გამოცდილების საფუძველზე გაუძღვება.

"ჩვენი მთავარი პრინციპია, Cadillac-ის მფლობელებმა მიიღონ ის მომსახურება, რასაც ბრენდისგან ელოდებიან. სწორედ ამ გამოცდილების მისაღებად შევარჩიეთ პროფესიონალთა გუნდი, შესაბამისი ტექნიკური ინფრასტრუქტურა და ბრენდის სტანდარტებთან შესაბამისი სერვისი. სერვისცენტრში მომხმარებლის ვიზიტი ტექნიკურ აუცილებლობას არ უნდა წარმოადგენდეს და ეს უნდა იყოს მარტივი და კომფორტული სამომხმარებლო გამოცდილება. ავტომობილის მფლობელი დარწმუნებული უნდა იყოს, რომ მისი დრო და ინდივიდუალური საჭიროებები ჩვენთვის ძალიან მნიშვნელოვანია," — ამბობს Lynx Motors-ის დირექტორი ოთო სიხარულიძე.

საქართველოს ბაზარზე Cadillac-ის შემოსვლა ასევე General Motors-ის რეგიონული გაფართოების სტრატეგიის ნაწილია, რომელიც ცენტრალური აზიისა და კავკასიის ბაზრებზე მსოფლიო პრემიუმ და ლუქს საავტომობილო ბრენდების განვითარებას ითვალისწინებს.

შოურუმის გახსნის თარიღის, წარმოდგენილი ავტომობილების მოდელებისა და Cadillac-ის საქართველოში ოფიციალური შემოსვლის შესახებ დეტალური ინფორმაცია უახლოეს პერიოდში ხელმისაწვდომი იქნება ვებგვერდზე: cadillac.lynxmotors.ge.

General Motors-ის შესახებ

General Motors ტრანსპორტს მოწინავე ტექნოლოგიების გამოყენებით ქმნის და მომხმარებლებს უფრო უსაფრთხო, ჭკვიან და დაბალი ემისიის მქონე მსუბუქ, მაღალი გამავლობისა და SUV-ის ტიპის ავტომობილებს სთავაზობს.

GM-ის Buick, Cadillac, Chevrolet და GMC ბრენდები მომხმარებლებს სთავაზობენ ინოვაციური, ბენზინზე მომუშავე ავტომობილების ფართო არჩევანს და ინდუსტრიაში ელექტრომობილების ყველაზე მრავალფეროვან პორტფელს. კომპანია სრულად ელექტრიფიცირებულ მომავალზე გადასვლისკენ მიემართება.

დამატებითი ინფორმაციისთვის ეწვიეთ: GM.com

Lynx Motors-ის შესახებ

Lynx Motors-ი აერთიანებს ადგილობრივი საავტომობილო ინდუსტრიის მრავალწლიანი გამოცდილების მქონე პროფესიონალთა გუნდს. კომპანიის საქმიანობას საფუძვლად უდევს ბაზარზე დაგროვილი პრაქტიკული გამოცდილება, ძლიერი პროფესიული კომპეტენცია და ინდუსტრიის სიღრმისეული ცოდნა.