გლდანში, მეტროსადგურ ახმეტელის თეატრის მიმდებარე ტერიტორიაზე არასრულწლოვანი დაჭრეს. შინაგან საქმეთა სამინისტროში On.ge-ს უთხრეს, რომ ბრალდებული ცხელ კვალზე დააკავეს. შემთხვევა ორი დღის წინ მოხდა, თუმცა, დღეს გახმაურდა.

გამოძიება სისხლის სამართლის კოდექსის 19-109-ე მუხლის მეორე ნაწილის "ბ" ქვეპუნქტით მიმდინარეობს, რაც წინასწარი შეცნობით არასრულწლოვნის მიმართ დამამძიმებელ გარემოებაში ჩადენილ განზრახ მკვლელობის მცდელობას გულისხმობს.