შინაგან საქმეთა სამინისტრომ თბილისში, მარჯანიშვილის ქუჩაზე დაჭრის საქმეზე 2002 წელს დაბადებული პირი დააკავა.

გამოძიების მტკიცებით, ბრალდებულმა მიმდინარე წლის 9 ოქტომბერს ურთიერთშელაპარაკების ნიადაგზე 1998 წელს დაბადებული პირი ბასრი საგნით დაჭრა და შემთხვევის ადგილიდან მიიმალა. ამჟამად დაჭრილის მდგომარეობა სტაბილურია და მის სიცოცხლეს საფრთხე არ ემუქრება

გამოძიება განზრახ მკვლელობის მცდელობის საქმეზე საქართველოს სისხლის სამართლის კოდექსის 19-108-ე მუხლით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.