ბოლო პერიოდში სახლის მცენარეების მოვლა განსაკუთრებით ტრენდული გახდა: ადამიანების ნაწილს გულახდილად ახარებს სხვადასხვა სახეობის მცენარეების მოვლა, დანარჩენებს კიდევ უბრალოდ სახლისა თუ ოფისის ინტერიერის გამრავალფეროვნება სურს.

მართალია, ჩვენს სიახლოვეს მათი ხილვა გვიყვარს, მაგრამ მოვლის პროცესი სულაც არ არის მარტივი. თითოეული ჯიშისთვის დამახასიათებელი განსაკუთრებული თავისებურებებიც რომ არა, ხანდახან მათ პატრონებს სახლიდან დიდი ხნით გასვლაც გვიწევს, რის გამოც რთულია ძვირფასი მცენარეებისთვის საჭირო რაოდენობის წყლის მიწოდება. მსგავსი გამოუვალი სიტუაციების გარდა ზოგჯერ მათი ზომიერად მორწყვაც კი გვიჭირს - ხან ნაკლებ წყალს ვუსხამთ, ხანაც - მეტს.

სწორედ ამ პრობლემის მოგვარება სცადა იაპონურმა კომპანიამ და სპეციალური ქოთნები შექმნა, რომლებიც, გარდა იმისა, რომ თქვენს მცენარეებს გამოზოგილად და საჭირო რაოდენობის წყალს მიაწოდებს, ამავდროულად ეს ცხოველების ფორმის კერამიკული ქოთნები თქვენს მცენარეებთან ერთად ინტერიერსაც გაგილამაზებთ.

ოთხი სახეობის ქოთანი - პანდა, ბაყაყი, კატა და ძაღლი სპეციალური "ენით" ნიადაგს შესაბამისი რაოდენობის ჟანგბადსა და წყალს აწვდის.

ფოტო: FIREBOX