ევროპული საქართველოს დეპუტატი, რომან გოცირიძე უზენაესი სასამართლოს მოსამართლეობის კანდიდატის, შალვა თადუმაძის ჯგუფელებს სახინკლეში ეპატიჟება. ასე გამოხატა დეპუტატმა ირონიული დამოკიდებულება კანდიდატის მიმართ, რომელმაც გუფელების დასახელებაზე უარი თქვა.

"მე მინდა მივმართო თქვენს თანაკურსელებს... მე მათ ვთავაზობ, ყველას, მთელ თქვენ ჯგუფს, ვინც დაადასტურებს, რომ იყო თქვენი თანაკურსელი [სახინკლეში დაპატატიჟებას]. ოღონდ არ მომატყუოთ, მე ხელში მექნება ეს თქვენი დიპლომი. ვინც ასეთ დიპლომს მომიტანს, ყველას ვეპატიჟები თბილისის უმაგრეს სახინკლეში", — თქვა კომიტეტის სხდომაზე რომან გოცირიძემ.

შალვა თადუმაძის დიპლომთან დაკავშირებით კითხვები არსებობს. ამ საკითხზე საუბრობენ როგორც არასამთავრობო ორგანიზაციები და სახალხო დამცველი, ისე ოპოზიცია და ხელისუფლება. ამ საკითხზე მას კითხვა დღევანდელ კომიტეტის სხდომაზეც დაუსვეს.

დოკუმენტების მიხედვით, თადუმაძემ 1993 წელს ჩააბარა იმ უნივერსიტეტში, რომელიც 1994 წელს დაარსდა. მან ეს საკითხი კურსის ექსტერნად დახურვით ახსნა.