შვედმა მწერალმა, ასტრიდ ლინდგრენმა პეპი გრძელწინდას შესახებ გასული საუკუნის ორმოციან წლებში სამი წიგნი გამოაქვეყნა. წიგნების ამ სერიამ საბავშვო ლიტერატურაში ერთგვარი გადატრიალება მოახდინა და ის მალევე იქცა კლასიკად. ლიდგრენის ეს ცნობილი ნაწარმოებები 77 ენაზეა თარგმნილი და მთელს მსოფლიოში მათი 65 მილიონზე მეტი ეგზემპლარია გაყიდული.

მიუხედავად იმისა, რომ ამ ყოვლად ჯადოსნური ისტორიის მიხედვით არაერთი ეკრანიზაციაა შექმნილი, სულ ცოტა ხნის წინ ცნობილი გახდა, რომ მასზე კიდევ ერთ ახალ ფილმს გადაიღებენ. ფილმის პროდიუსერი დევიდ ჰეიმენი იქნება, რომელიც ამჟამად ასევე მუშაობას ისეთი ცნობილი საბავშვო წიგნების ეკრანიზაციებზე, როგორებიცაა საიდუმლო ბაღი და პადინგტონი.

მართალია, ფილმის სახელწოდება, მსახიობები ან პრემიერის თარიღი ჯერ ცნობილი არ არის, მაგრამ უკვე შეგვიძლია დავიწყოთ ლოდინი, თუ როდის ვიხილავთ არა მარტო საბავშვო, არამედ მთელ მსოფლიო ლიტერატურაში ერთ-ერთი ყველაზე დასამახსოვრებელი და ძლიერი 9 წლის გოგოს თავგადასავლების ხელახალ გაცოცხლებას დიდ ეკრანებზე.

via GIPHY