ალბათ ბევრმა თქვენგანმა შენიშნა პეპსის სტენდები თბილისსა და ბათუმის ყველაზე ხალხმრავალ წერტილებში ამ ზაფხულს. ვისაც ჯერ არ გსმენიათ, გეტყვით რომ წელს უკვე მესამედ პეპსის გემოს გამოწვევა საქართველოში ჩატარდა. 21 ივნისიდან 29 აგვისტოს ჩათვლით, ქუჩაში გამვლელს პეპსის სტენდთან უფასო ცივ, გამაგრილებელ, შუშხუნა სასმელს სთავაზობდნენ.

ჯამში, ორივე ქალაქში, პეპსის გემოს გამოწვევაში 30 ათასამდე ადამიანმა მიიღო მონაწილეობა და მათგან 61%-მა აირჩია პეპსი.

გამოწვევაში ჩასართავად მონაწილეებს მარტივი წესი ქონდათ შესასრულებელი- ე.წ. ბრმა დაგემოვნების მეთოდის გამოყენებით ორი დაფარული კოლადან უნდა აერჩიათ ერთ-ერთი-ფავორიტი გემო. მხოლოდ არჩევანის დაფიქსირების შემდეგ ხდებოდა ცნობილი პეპსი იყო ეს, თუ სხვა კოლა.

ფოტო: Pepsi Georgia

წელს გამოწვევა საინტერესოსთან ერთად იმდენად სახალისოც აღმოჩნდა, რომ მასში სხვადასხვა ცნობილი ადამიანებიც ჩაერთვნენ, მათ შორის ყველასათვის საყვარელი ბახვა, მაჩვი... ბენდმა Showtime გამოწვევას სიმღერაც კი მიუძღვნა. სწორედ ამ მუსიკის ფონზე გამოსცადეს ჯგუფის წევრებმა საკუთარი თავი და ფავორიტი გემოს არჩევა სცადეს.

ლეგენდარული პეპსის გემოს გამოწვევა მსოფლიოში 1975 წლიდან ტარდება და მას ძალიან საინტერესო ისტორია აქვს, რომელიც დღემდე გრძელდება.