სავაჭრო ცენტრ თერგში ხანძარი ლოკალიზებულია. ცეცხლი დღეს, 2 ოქტომბერს დილით ადრე გაჩნდა. ადგილზე 80-მდე მეხანძრე-მაშველი მუშაობს.

პირველადი ინფორმაციით, ხანძარი სათამაშოების მაღაზიებს გაუჩნდა. საგანგებო სიტუაციების მართვის სამსახურში აცხადებენ, რომ არის ღია ცეცხლი და ძლიერი დაკვამლიანება. მომხდარის შედეგად, არავინ დაშავებულა.

გამოძიება საქართველოს სისხლის სამართლის კოდექსის 187-ე მუხლის მე-2 ნაწილით მიმდინარეობს, რაც ცეცხლის წაკიდებით ნივთის დაზიანებას, ან განადგურებას გულისხმობს.

თერგის სავაჭრო ცენტრში ხანძარი 2018 წლის თებერვალშიც იყო. მაშინ 3 000 მ2-მდე ტერიტორია დაიწვა. შენობის მესამე სართულზე ხანძარი 27 თებერვალს, შუაღამით გაჩნდა. ცეცხლს 30-ზე მეტი სახანძრო-სამაშველო ჯგუფი აქრობდა. სავაჭრო ცენტრში განთავსებული იყო მეორადი ტანსაცმლის მაღაზიები. ასევე, იყიდებოდა თამბაქოს ნაწარმი და სასურსათო პროდუქცია.