თუშეთში, ფშაველი-აბანო-ომალოს გზაზე ტურისტი ველოსიპედით გზიდან გადავარდა და დაიღუპა. საგანგებო სიტუაციების მართვის სამსახურის ინფორმაციით, ცხედარი ხევიდან ამოიყვანეს და ექსპერტიზაზეა გადასვენებული.

უწყების ცნობით, ტურისტთა 7-კაციანი ჯგუფი ველოსიპედებით მიდიოდა, როცა ერთ-ერთი ხევში გადავარდა. სხვა ტურისტებმა მისი დახმარება სცადეს, მაგრამ ხევიდან ამოსვლას ვერც ისინი ახერხებდნენ. ტურისტები მაშველებმა უსაფრთხო ადგილზე გადაიყვანეს.

საქმეზე გამოძიება სისხლის სამართლის კოდექსის 281-ე მუხლის მეორე ნაწილი დაიწყო, რაც მგზავრის მიერ ტრანსპორტის უსაფრთხო მოძრაობის წესის დარღვევას გულისხმობს, რამაც გაუფრთხილებლობით ადამიანის სიცოცხლის მოსპობა გამოიწვია.