ნეტფლიქსის სერიალსა და ეფლის რეკლამას თუ გავითვალისწინებთ, ქართველ მსახიობს ვიკა კალანდიას შემოქმედებითად დატვირთული წელი აქვს. სერიალ Mamalek el-Nar-ის შემდეგ, ჰოლივუდის რეჟისორი პიტერ ვებერი მას ახალ სერიალში იღებს.

ამის შესახებ ვიკამ ფეისბუქზე დაწერა:

"ჩემი საყვარელი ბრიტანელი რეჟისორი - პიტერ ვებერი და მე ვიწყებთ ახალ, სრულმეტრაჟიან ფილმზე მუშაობას. ჩემი პარტნიორების შესახებ ჯერ არაფერს გეტყვით, უბრალოდ არ მჯერა და იმიტომ. ეს პროექტი ჩემს კარიერაში ყველაზე მასშტაბური და მნიშვნელოვანი იქნება".

მან ასევე სერიალ Mamalek el-Nar-ის გადასაღები მოედნიდან გამოაქვეყნა ფოტოები და აღნიშნა, რომ პიტერ ვებერთან მუშაობა მისთვის საინტერესო იყო.

ჯერჯერობით უცნობია ახალი პროექტის დეტალები, ხოლო რაც შეეხება სერიალს, IMDb-ის აღწერის მიხედვით, სერიალის მოქმედება მე-16 საუკუნის ეგვიპტის დედაქალაქში ვითარდება და მამლუქების პერიოდის დასასრულს ასახავს. სიუჟეტის მიხედვით, ქართველ ბიჭს იტაცებენ და კაიროში მიჰყავთ და მამლუქად ყიდიან. სერიალში არაბების ისტორია და იმ ეპოქის საინტერესო ფაქტებს გავიგებთ, მაგალითად იმას, თუ როგორ დაამარცხეს ოტომანებმა მამლუქები.

სერიალს აფრიკის ჩრდილოეთ ნაწილში, ტუნისში გადაიღეს. გადასაღები მოედნიდან სურათები ვრცელდება სერიალის IMDb-ის გვერდზეც.

რეჟისორი პიტერ ვებერი მსახიობებთან ერთად

პიტერ ვებერს გადაღებული აქვს ისეთი ცნობილი ფილმები, როგორიცაა Emperor, Hannibal Rising და Girl with the Pearl Earring.