ნატოს საპარლამენტო ასსამბლეის სადამკვირვებლო მისიის წევრი პაოლო ალი აცხადებს, რომ ისინი საქართველოსთან თანამშრომლობით ყურადღებას ამახვილებენ უსაფრთხოებისა და საგარეო პოლიტიკის საკითხებზე. მისი თქმით საარჩევნო გარემოში არის ნაკლოვანებები, თუმცა სურათი ნათელია:

"საქართველომ კიდევ ერთხელ დაადასტურა თავსი სტატუსი, როგორც დემოკრატიული ტრანსფორმაციის ლიდერი ამ რეგიონში".

ალის ასევე აცხადებს, რომ გუშინ ისინი კიდევ ერთხელ გახდნენ მოწმენი იმისა, რომ კონკურენტული საარჩევნო პროცესი გაიმართა და ამას საქართველოს მოსახლეობის ძალისხმევად მიიჩნევს.

მისი თქმით, არჩევნების ამგვარი გამართვა ქვეყანას ევროატლანტიკურ ალიანსში გაერთიანებაში დაეხმარება და ისინი ამ პროცესს მხარს დაუჭერენ. მან ასევე აღნიშნა იმ სამწუხარო ფაქტის შესახებ, რომ ოკუპირებული ტერიტორიის მცხოვრებლებს არ ჰქონდათ არჩევნებში მონაწილეობის შესაძლებლობა.