აშშ-ს პრეზიდენტმა, დონალდ ტრამპმა განაცხადა, რომ უახლოეს კვირებში პოლონეთისთვის სავიზო რეჟიმს გააუქმებენ. პრეზიდენტის თქმით, სავიზო რეჟიმის გაუქმებაზე ჯერ კიდევ მუშაობენ. ტრამპის განცხადებას თეთრი სახლი ავრცელებს.

"თქვენ შეგიძლიათ პოლონელ ხალხს უთხრათ, რომ ეს დონალდ ტრამპმა გააკეთა, და არავინ ისე, როგორც თქვენ, რომ ამის გაკეთება დიდი ხნის განმავლობაში ვერავინ შეძლო", — აღნიშნა ტრამპმა.

23 სექტემბერს დონალდ ტრამპმა და პოლონეთის პრეზიდენტმა, ანჯეი დუდამ ნიუ-იორკში თავდაცვის სფეროში თანამშრომლობის შესახებ დეკლარაციას მოაწერეს ხელი. ტრამპმა განაცხადა, რომ პოლონეთში ამერიკელი სამხედროების წარმომადგენლობა გაიზრდება.

აშშ-ს უვიზო რეჟიმის პროგრამა გარკვეული ქვეყნის მოქალაქეებისთვისა გათვალისწინებული. ის მათ უფლებას აძლევს, რომ შეერთებულ შტატებში 90 დღის განმავლობაში ტურისტული, სამუშაო ან ტრანზიტული მიზნებისთვის უვიზოდ იმოგზაურონ.

ყველა ქვეყანა, რომელიც უვიზო რეჟიმის პროგრამაშია ჩართული მაღალი შემოსავლისა და განვითარებულ ქვეყნებად მიიჩნევა.