სუამის საპარლამენტო სადამკვირვებლო მისიამ 8 ოქტომბრის არჩევნები შეაფასა და განაცხადა, რომ ხმის მიცემის პროცესი დემოკრატიის სტანდარტებთან შესაბამისად წარიმართა. სუამის გენერალური მდივნის, ალტაი ეფენდიეს განმარტებით, მისია საქართველოში ქვეყნის პარლამენტის მოწვევით იმყოფებოდა და არჩევნების პროცესს თბილისსა და მცხეთაში მოულოდნელად ეწვია:

"საარჩევნო პროცესთან დაკავშირებით, მნიშვნელოვანი შენიშვნები არ გვაქვს. დაფიქსირდა ამომრჩეველთა მაღალი აქტივობა. არჩევნები შეიძლება შეფასდეს, როგორც სამართლიანი და თავისუფალი".

"შემიძლია დავადასტურო, რომ უბნებზე, სადაც ჩვენ ვაკვირდებოდით საარჩევნო პროცესს, ყველაფერი მშვიდად მიმდინარეობდა, ზოგიერთი მედია საშუალების გამოკლებით, თუმცა ჩვენ ამას არ შევსწრებივართ. ხაზგასმით მინდა აღვნიშნო, ქართული კანონმდებლობის ზოგიერთი დადებითი ნორმა, რაც არჩევნების დღეს პრაქტიკულად გამორიცხავს გაყალბებას. აბსოლუტურად მშვიდად მიმდინარეობდა კომისიის მუშაობა".