ტრანსპორტირების წამყვანი ევროპული პლატფორმა, გამონაბოლქვის კომპენსირების გზით, ევროპაში Bolt მგზავრობებს ნახშირბად-ნეიტრალურს ხდის. ეს გახლავთ Bolt-ის გარემოს დაცვის სტრატეგიის ერთ-ერთი ნაწილი — მწვანე გეგმა.

ნახშირბად-ნეიტრალური პროექტი გულისხმობს რამდენიმე მილიონი ევროს ინვესტირებას, რაც კომპანიის ზრდასთან ერთად კიდევ უფრო გაიზრდება. ამ გზით, Bolt ევროპაში ყველაზე დიდი სატრანსპორტო პლატფორმა გახდება, რომელიც საკუთარი ინიციატივით იღებს პასუხისმგებლობას, რომ მისი მგზავრობები ნახშირბად-ნეიტრალური გახადოს.

Bolt მოახდენს გამონაბოლქვის კომპენსირებას შემდეგ ქვეყნებში: სომხეთი, ავსტრია, აზერბაიჯანი, ჩეხეთის რესპუბლიკა, ხორვატია, კვიპროსი, ესტონეთი, ფინეთი, საფრანგეთი, საქართველი, უნგრეთი, ყაზახეთი, ლიტვა, ლატვია, მალტა, პოლონეთი, პორტუგალია, რუმინეთი, რუსეთი, სერბეთი, სლოვაკეთი, შვედეთი, უკრაინა და გაერთიანებული სამეფო.

Bolt-ის მწვანე გეგმა მოიცავს გარემოს დაცვის შემდეგი მიზნების განხორციელებას:

  • 2025 წლისთვის ევროპული ტრანსპორტირების სექტორში მინიმუმ 5 მილიონი ტონა ნახშირორჟანგის კომპენსირება;
  • 2020 წლისთვის ევროპაში ნახშირორჟანგის გამოყოფის შესამცირებლად მეტი ეკოლოგიურად სუფთა ავტომობილის კატეგორიების დამატება და მსოფლიოში Bolt-ის ოფისებთან დაკავშირებული გამონაბოლქვის კომპენსირება;
  • ელექტრო სკუტერების დამატება უფრო მეტ ქალაქში და Bolt-ის მგზავრებისთვის შესაძლებლობის უზრუნველყოფა, მოახდინონ დონაცია აპლიკაციიდან და საკუთარი წვლილი შეიტანონ აღნიშნულ ეკოლოგიურ წამოწყებაში.

რამდენიმე ესტონურ ტექნიკურ კომპანიასთან ერთად, რომლებიც დღეს ტალინის ციფრულ სამიტზე ე.წ. მწვანე ფიცს (Tech Green Pledge) დებენ, Bolt უერთდება დაპირებას შეამციროს თავისი უარყოფითი ზეგავლენა ეკოლოგიაზე და უფრო დიდი წვლილი შეიტანოს გარემოსდაცვითი გამოწვევების გადაწყვეტაში. ეს მოიცავს მომხმარებლების ინფორმირებას, თუ რა ზემოქმედებას ახდენს ადამიანის ქმედება გარემოზე.

"დავიწყოთ ფაქტებით — კლიმატის ცვლილება ჩვენი რეალობაა და სითბური გაზების ემისია ამის გამომწვევი ყველაზე დიდი მიზეზია. დღეისათვის ევროპის სითბური გაზების ემისიის 20%-ს ტრანსპორტირება ქმნის. რადგან Bolt ამ ეკოსისტემის ნაწილია, ჩვენც გვეკისრება პასუხისმგებლობა წვლილი შევიტანოთ გარემოს გაჯანსაღებაში. ჩვენ აქტიურად ვმუშაობთ იმისათვის რომ შემცირდეს გამონაბოლქვის გამოყოფა და ეფექტიანად მოხდეს სატრანსპორტო საშუალებების გამოყენება — იქნება ეს მგზავრობის გაზიარება, ელექტრო ავტომობილები, ველოსიპედები თუ სკუტერები. სამწუხაროდ, უნდა ვაღიაროთ რომ ამ ცვლილებას საკმაოდ დიდი დრო სჭირდება. ნახშირბადის კომპენსირება კი ამ ეტაპზე ყველაზე ეფექტური გზაა, რათა ვებრძოლოთ გამონაბოლქვს. ჩვენ საშუალება გვაქვს ვიმოქმედოთ, როგორც ცვლილებების მამოძრავებელმა ძალამ ჩვენს ინდუსტრიაში და ასევე, მის გარეთ. ვიმედოვნებთ, რომ ეს იქნება მაგალითი სხვა კომპანიებისთვის, რათა ყველამ ერთად შევიტანოთ წვლილი გარემოს დაცვაში", — აცხადებს Bolt-ის დამფუძნებელი და აღმასრულებელი დირექტორი მარკუს ვილიგი.

ნახშირბადის განეიტრალებასთან დაკავშირებულ საკითხებზე Bolt თანამშრომლობს ისეთ ექპერტებთან, როგორიცაა Natural Capital Partners. ეს კომპანია ნახშირბად ნეიტრალური პროტოკოლის (CarbonNeutral Protocol) მეშვეობით, მთელი მსოფლიოს მასშტაბით ბიზნეს კომპანიებისთვის უზრუნველყოფს გარანტიას, რომ მათი ნახშირბად-ნეიტრალურ ინიციატივებთან დაკავშირებული აქტივობები, ისევე როგორც თავად ბიზნესი, ოპერაციები და პროდუქტები იქნება სუფთა, გამჭვირვალე და ხარისხიანი.

"იმისათვის, რომ სწრაფად მოხდეს გამონაბოლქვის შემცირება და გლობალური დათბობის 1.5 გრადუსამდე დაყვანა, ნახშირბად-ნეიტრალური ინიციატივა სულ უფრო და უფრო მნიშვნელოვანი ხდება ყველა სექტორში. მოხარული ვართ, რომ ვთანამშრომლობთ კომპანიასთან, რომელმაც აიღო პასუხისმგებლობა დადებითი ზემოქმედება მოახდინოს კლიმატის ცვლილებაზე", — აცხადებს Natural Capital Partners-ის მმართველი დირექტორი საგარეო საქმეთა საკითხებში ჯონათან შოფლი.

Bolt მომსახურებას უწევს 25 მილიონ მომხმარებელს 30-ზე მეტ ქვეყანაში და ლიდერია ევროპასა და აფრიკაში. გასულ წელს Bolt იყო ერთადერთი კომპანია, რომელმაც ავტომობილით და სკუტერით მომსახურება ერთ აპლიკაციაში გააერთიანა.

Bolt ტრანსპორტირების პლატფორმაა, რომლის მთავარი მიზანია ურბანული გადაადგილება გახადოს უფრო მარტივი, სწრაფი და საიმედო.

Bolt 2013 წელს დაარსდა მარკუს ვილიგის მიერ. ის ერთ-ერთი ყველაზე სწრაფად მზარდი ტრანსპორტირების პლატფორმაა ევროპასა და აფრიკაში. კომპანიის ინვესტორები არიან: Daimler, Didi Chuxing, Korelya Capital და TransferWise-ის თანადამფუძნებელი ტაავეტ ჰინრიკუსი.

Bolt-ს მსოფლიოს 30-ზე მეტ ქვეყანაში 25 მილიონი მომხმარებელი ჰყავს.