NDI-ს კვლევის თანახმად, მოსახლეობის 61 პროცენტი თავს დასაქმებულად არ მიიჩნევს. გამოკითხვის მიხედვით, თავს დასაქმებულად მოსახლეობის მხოლოდ 38 პროცენტი მიიჩნევს.

კვლევის კითხვაში "თვლით თუ არა თავს დასაქმებულად?" იგულისხმებოდა როგორც სრული ან ნახევარი განაკვეთის თანამშრომელი, ისე ოფიციალური ან არაოფიციალური თანამშრომელი და თვითდასაქმებული. ამავე დროს, კვლევის ავტორები აღნიშნავენ, რომ მოსახლეობის 13 პროცენტი საჯარო სექტორში მუშაობს.

ფოტო: NDI

ფოტო: NDI

მათგან, ვინც ამბობს, რომ დაუსაქმებელია უმუშევრობის მიზეზად 23 პროცენტი ჯანმრთელობის მდგომარეობას ასახელებს. 19 პროცენტი ამბობს, რომ მუშაობაში სხვა მოვალეობები უშლის ხელს.

ამავე დროს, გამოკითხულთა 17 პროცენტი აღნიშნავს, რომ სამსახურს პირადი კავშირების გამო ვერ პოულობს. 12 პროცენტი ამბობს, რომ ასაკის გამო ვერ საქმდება, ხოლო 9 პროცენტი უთითებს, რომ ვერ პოულობს სამსახურს, რომელიც მის უნარებსა და განათლებას შეესაბამება.

იმათგან ვინც ამბობს, რომ დაუსაქმებელია 7 პროცენტს მუშაობა არ სურს, ხოლო 5 პროცენტი აღნიშნავს, რომ მუშაობისთვის შესაბამისი განათლება და უნარები არ აქვს.

ფოტო: NDI

კვლევა 2019 წლის 13-29 ივლისის პერიოდში ჩატარდა. გამოიკითხა საქართველოს მასშტაბით 2 131 ადამიანი პირისპირ ინტერვიუს წარმომადგენლობითი შერჩევის საფუძველზე. გამოკითხვის საშუალო ცდომილების ზღვარი არის +/- 1,7%.