აშშ-ს სახელმწიფო მდივანმა, მაიკ პომპეო საუდის არაბეთის ნავთობტერმინალებზე თავდასხმაში დაადანაშაულა. მანამდე ნავთობტერმინალებზე თავდასხმაზე პასუხისმგებლობა იემენელმა ჰუსიტებმა აიღეს.

"საუდის არაბეთზე, თითქმის, 100 თავდასხმის უკან თეირანი დგას მაშინ, როცა [პრეზიდენტი] რუჰანი და [საგარეო საქმეთა მინისტრი] ზარიფი თვალთმაქცობენ, თითქოს დიპლომატიით არიან დაკავებულები", — ნათქვამია პომპეოს ტვიტში.

ნავთობმომპოვებელ კომპანია Aramco-ზე დრონებით საჰაერო თავდასხმა 14 სექტემბერს მოხდა. მას შემდეგ საუდის არაბეთში ნავთობის მოპოვება, თითქმის, ორჯერ შემცირდა. Bloomberg-ის ინფორმაციით, თავდასხმა ერთ-ერთი ყველაზე მასშტაბური იყო და ნავთობის მსოფლიო ფასზე გავლენას იქონიებს.

იემენელმა ჰუსიტებმა განაცხადეს, რომ თავდასხმისთვის ათი დრონი გამოიყენეს და თავდასხმების გაგრძელებით იმუქრებიან.