რამდენიმე საათის წინ შინაგან საქმეთა სამინისტროს გადაუდებელი დახმარების ოპერატიულ მართვის ცენტრ 112-ში შევიდა ინფორმაცია, რომ ძაღლი, თბილისის ტერიტორიაზე, მტკვარში ჩავარდა და ნაპირზე გამოსვლას ვერ ახერხებდა.

ძაღლის ადგილსამყოფელს მალევე მიაგნეს თბილისის მერიის ცხოველთა მონიტორინგის სააგენტოს თანამშრომლებმა და სამაშველო ოპერაციაში მაშველებიც დროულად ჩართეს.

საბედნიეროდ, მაშველებმა მოტონავის საშუალებით ძაღლის წყლიდან ამოყვანა შეძლეს. "ოთხფეხა მეგობარი თავს კარგად გრძნობს და მის სიცოხლეს საფრთხე აღარ ემუქრება", — წერია საგანგებო სიტუაციების მართვის სამსახურის ოფიციალურ ფეისბუქის გვერდზე.

ჩვენ კი ისღა დაგვრჩენია, რომ ცხოველს დიდხანს და ბედნიერად ცხოვრება ვუსურვოთ და ვიმედოვნოთ, რომ იქამდე, სანამ კარგად ცურვას არ ისწავლის, მდინარის სიახლოვეს ცუნცულს მოერიდება ხოლმე.