"მე დარწმუნებული ვარ, რომ 2008 წელს რაღაც არასწორი გავაკეთეთ", — ამის შესახებ ნატოს ყოფილმა გენერალურმა მდივანმა, ანდერს ფოგ რასმუსენმა თბილისში ვიზიტისას საერთაშორისო კონფერენციაზე თქვა. რასმუსენი იხსენებს, რომ 11 წლის წინ ბუქარესტის სამიტზე იგი მხარს უჭერდა საქართელოსთვი და უკრაინისთის მაპის მიცემას:

"ჩვენ ეს უნდა გაგვეკეთებინა. ვფიქრობ, არასწორი გზავნილი გავუგზავნეთ პუტინს. ეს იყო გზავნილი იმისა, რომ არასაკმარისია გადაწყვეტილებები და არ ვართ ამისთვის მზად... რუსეთის სურვილი იყო, ნათელი მესიჯი გაეგზავნა ჩვენთვის, რომ ჩვენს სამეზობლოში ნუ შემოხვალთ. ჩვენ რომ მიგვენიჭებინა მაპი საქართველოსთვის, ამ ვითარების თავიდან აცილება შეიძლებოდა".

ანდერს ფოგ რასმუსენი ნატოს გენერალური მდივნის თანამდებობას 2009 წლის პირველი აგვისტოდან, 2014 წლის პირველ ოქტომბრამდე იკავებდა. 2008 წლის აგვისტოს ომამდე, აპრილის თვეში ნატოს ბუქარესტის სამიტი გაიმართა. იმ დროს გენერალური მდივანი ჰოლანდიელი დოპლომატი, იაპ დე ჰოოპ სხეფერი იყო. ამ სამიტზე ალიანსის ლიდერები შეთანხმდნენ, რომ საქართველო "აუცილებლად გახდება ნატოს წევრი". მათ აღნიშნეს, რომ მხარს უჭერენ საქართველოს განაცხადს წევრობის სამოქმედო გეგმის მისაღებად (MAP) და უმაღლეს პოლიტიკურ დონეზე ინტენსიური დიალოგის დაწყებას ყველა იმ საკითხების მოსაგვარებლად, რომელთაც MAP-თან აქვს კავშირი. იმავე წელს აგვისტოს ომის შემდეგ მოკავშირეებმა მიიღეს გადაწყვეტილება ნატო-საქართველოს კომისიის შექმნის თაობაზე.