ოკუპირებული აფხაზეთის დე ფაქტო საპრეზიდენტო არჩევნებში მოქმედი პრეზიდენტი, რაულ ხაჯიმბა იმარჯვებს. ეხო კავკაზას ინფორმაციით, ხაჯიმბას ოპონენტი ალჰას კვიცინიაი შედეგების გასაჩივრებას აპირებს.

ოკუპირებულ აფხაზეთში დე ფაქტო საპრეზიდენტო არჩევნების მეორე ტური 8 სექტემბერს გაიმართა. პირველი ტური 25 აგვისტო ჩატარდა. პირველ ტურში ხაჯიმბამ 26,6 პროცენტი, ხოლო კვიცინიამ 24,6 პროცენტი მიიღო.

საქართველოს საგარეო საქმეთა სამინისტრო ოკუპირებულ აფხაზეთის რეგიონში ე.წ. საპრეზიდენტო არჩევნების ჩატარებას აფასებს, როგორც საქართველოს სუვერენიტეტისა და ტერიტორიული მთლიანობის წინააღმდეგ მიმართულ მორიგ უკანონო ქმედებას.

საგარეო საქმეთა სამინისტრო მოუწოდებს რუსეთს, პატივი სცეს ნაკისრ საერთაშორისო ვალდებულებებს, შეასრულოს 2008 წლის 12 აგვისტოს ევროკავშირის შუამავლობით დადებული ცეცხლის შეწყვეტის შეთანხმება და შეცვალოს უკანონო გადაწყვეტილება.