რა ხდება, როდესაც ტელევიზიის ორი ყველაზე ცნობილი რობოტი ერთმანეთს ხვდება? ამ კითხვაზე პასუხს ახალი მოკლემეტრაჟიანი ფილმი SophiaWorld გასცემს, რომლის პრემიერაც სულ ცოტა ხნის წინ შედგა.

HBO-ს პოპულარული სერიალის Westworld-ის ვარსკვლავი ევან რეიჩელ ვუდი, რომელიც სერიალის მთავარი გმირის დოლორესის როლს ასრულებს, ბარში ნამდვილ რობოტს სოფიას ხვდება. მათ შორის საკმაოდ საინტერესო დიალოგი ვითარდება.

პროექტი ჯოფრი ჯეიმს კლარკმა გადაიღო, სცენარის ავტორები კი კლარკი და ლუკ კინგმა არიან.

"საოცარი და განსაკუთრებული გამოცდილება იყო ისეთი ფილმის გადაღება, რომელშიც ნამდვილი რობოტი თამაშობს. ეს ყველაფერი უცნაურია, რადგან მომავლის ისეთ სამყაროს ხედავ, როგორიც მაგალითად Westworld-შია. ისეთი ნიჭერი მსახიობის ყოლა როგორიც ევანსია ოცნებაა, მით უმეტეს, როდესაც მას ასე შეუძლია გართობა. " ამბობს რეჟისორი

SophiaWorld პირველად მაუის კინოფესტივალზე აჩვენეს, შემდეგ კი ხუთ წუთიანი ფილმის ონლაინ პრემიერა შედგა. ფილმი საპროდიუსერო კომპანია Futurism Studios-ს ეკუთვნის.