ლიეტუვაში, კაუნასის ვიტაუტას მაგნუსის საუკუნოვან უნივერსიტეტში ქართული ენისა და კულტურის შემსწავლელი კურსები ამოქმედდება. საგარეო საქმეთა სამინისტროს განცხადებით, აღნიშნული გადაწყვეტილება უნივერსიტეტის რექტორისა და ლიეტუვაში საქართველოს ელჩის შეხვედრაზე მიიღეს.

უნივერსიტეტში ვიზიტის ფარგლებში საქართველოს ელჩი, ლევან ღვაჩლიანი შოთა რუსთაველის სახელობის აუდიტორიაში ქართველ სტუდენტებს შეხვდა. შეხვედრაზე ელჩმა საქართველოს საგარეო პოლიტიკის პრიორიტეტების, ლიეტუვა-საქართველოს პოლიტიკური, ეკონომიკური და კულტურული ურთიერთობების შესახებ ისაუბრა.