ერთიანმა ნაციონალურმა მოძრაობამ ბრიფინგი გამართა, რომელზეც არჩევნების მიმდინარეობისას გამოკვეთილი დარღვევები შეაჯამა. პარტია ძირითადად საარჩევნო უბნების დაგვიანებით გახსნაზე, მათი წევრების საარჩევნო უბნებში არშეშვებასა და უბნებზე მიმდინარე აგიტაციაზე ამახვილებენ ყურადღებას.

ენმ-მ ასევე დიდუბის 14-ე უბანზე მომხდარ ინციდენტზე გაამახვილა ყურადღება და განმარტა, რომ აღნიშნული საკმაოდ მნიშვნელოვანი დარღვევაა. ენმ-ს წევრის, გიორგი ტუღუშის თქმით, სარჩევნო პროცესი დაიწყო რამდენიმე მნიშვნელოვანი დარღვევით:

"იკვეთება საარჩევნო კომისიის წევრების კომპეტენციის ნაკლებობა, რაც თავისთავად იწვევს კონკრეტულ დარღვევებს. ბევრი საარჩევო უბანი გაიხსნა დაგვიანებით, კომპეტენციის ნაკლებობა გამოწვეულია იმით, რომ თავის დროზე კომპლექტდებოდა არა ამ ადამიანების პროფესიონალიზმით, არამედ პრეფერენცია მათ პოლიტიკურ სიმპათიებს მიეცა, დაკომპლექტდა ქართული ოცნების პრეფერენციების მიხედვით. ასევე რამდენიმე უბანზე, დედოფლისწყაროსა და ფოთში არ დაუშვეს ჩვენი დამკვირვებლები".