ავარიული და მიტოვებული შენობები თბილისში, რომელთა შესახებ ალბათ არც გსმენიათ

ბრიტანელი ფოტოგრაფი ჯეიმს კერვინი მოგზაურობასთან ერთად მიტოვებულ ადგილებს ეძებს და იღებს. ის საქართველოში რამდენჯერმე იმყოფებოდა. მან გადაიღო წყალტუბოსა და აფხაზეთის მიტოვებული ადგილები, ამჯერად კი თბილისს ეწვია.

"თბილისის არქიტექტურა მე-18 და მე-19 საუკუნეებში გამოგზაურებთ. აქ შეხვდებით როგორც საბჭოთა დროის შენობების აივნებს, ასევე თანამედროვე ხიდებსა და ცათამბჯენებს. სხვა ქალაქებისგან განსხვავებით, რომლებიც წლებთან ერთად განახლდნენ და ბუნებრიობა დაკარგეს, თბილისს სიძველე არ დაუკარგავს. განსაკუთრებით ძველი თბილისის ნაწილში", — ამბობს ფოტოგრაფი და მკითხველს ნარიყალას ციხესიმაგრის მონახულებას ურჩევს.

ბორდ პანდაზე გამოქვეყნებულ ბლოგპოსტში კერვინი დასძენს, რომ რესტავრაციების მიუხედავად, თბილისში რამდენიმე ადგილი ხელუხლებელი დარჩა. ის დედაქალაქში მდებარე მიტოვებული და ავარიული შენობებიდან 16 ფოტოს გვიზიარებს, რომლებსაც ისტორიული ელფერი და იდუმალება ერთდროულად დაჰყვება.

ჩვენ შევეცადეთ გაგვერკვია თითოეული ადგილის მისამართი და ეს პასუხები მივიღეთ.

1. საბაგიროს ყოფილი სადგური

რუსთაველის ქუჩა #52, მეცნიერებათა აკადემია, ფუნიკულიორის საბაგიროს სადგური.

2. ყოფილი სასტუმრო ლონდონი

ათონელის ქუჩა #31, მშრალ ხიდთან. შენობა 1875 წელს არის აშენებული.

3. ყოფილი კინოთეატრი აპოლო

კინოთეატრი დავით აღმაშენებლის ქუჩაზე, #135-ში მდებარეობს. ის 1909 წელს გაიხსნა.

4. კედელი ძველ თბილისში

ლადო ასათიანის ქუჩა #13.

5. უცნობი სახლი

გერონტი ქიქოძის ქუჩა, #9.

ლადო ასათიანის ქუჩა, #24-26.

გალაკტიონ ტაბიძის ქუჩა, #18.

6. მიტოვებული სომხური ეკლესიის შესასვლელი

სურფნიშანის ეკლესია, ვერცხლის ქუჩა.

7. "ეს დარბაზი გამოიყენება, თუმცა ის ცუდ მდგომარეობაშია", — წერს ფოტოგრაფი

8. ავარიული შენობა

ჩიტაიას ქუჩა, #20.

კერვინის სხვა ნამუშევრების ნახვა მის ინსტაგრამ და ფეისბუქ გვერდებზე შეგიძლიათ.

ბოლო ამბები:

გირჩევთ