HBO-მ ახალი სერიალის, The New Pope-ის ოფიციალური ტიზერი გაავრცელა, რომელშიც ჯუდ ლოუს ვხედავთ, თუმცა არა — პაპის ფორმაში გამოწყობილს.

ტიზერი კონკრეტულს არაფერს გვეუბნება, მაყურებელი უბრალოდ პარალელურ კადრებს ხედავს. ჯუდ ლოუს (ლენი ბელარდო/პაპი პიუს XIII) თეთრი საცურაო კოსტუმი აცვია და სანაპიროზე მოსეირნობს, მის ირგვლივ მხოლოდ ქალები არიან. პარალელურად კი ვხედავთ ჯონ მალკოვიჩს, რომელიც პაპის ტანსაცმელშია გამოწყობილი და ვატიკანში მიაბიჯებს. ამ ყველაფრის ფონზე კი სიმღერა All Along the Watchtower გვესმის.

The New Pope ახალი მინისერიალია, რომელიც ცნობილი The Young Pope-ის ლოგიკური გაგრძელებაა და მისი პრემიერა კვირას ვენეციის ფესტივალზე შედგება. HBO-ს სატელევიზიო პრემიერის თარიღი კი ჯერ უცნობია.

The Young Pope არაერთმნიშვნელოვნად დასრულდა და მას მერე სერიალის შემქმნელი, პაოლო სორენტინო დეტალებს საგულდაგულოდ მალავდა.