შინაგან საქმეთა სამინისტროს გენერალურმა ინსპექციამ სოციალურ ქსელში გავრცელებულ ვიდეოზე, რომელშიც ჩანს, რომ პოლიციელი მოქალაქეს სახეში ხელს ურტყამს, მოკვლევა დაიწყო. ამის შესახებ On.ge-ს უწყებაში უთხრეს.

ვიდეო ანაკლიაში გამართულ ფესტივალ Echowaves-ზეა გადაღებული. ვიდეო სულ 18-წამიანია. კადრებში ჩანს, რომ პოლიციელი მოქალაქეს სახეში ხელს ურტყამს და ხელს ჰკრავს. ხელის დარტყმის შემდეგ სხვა პოლიციელებსა და დაცვის თანამშრომლებს მოქალაქე დაპირისპირების ადგილიდან გაჰყავთ.