ბოინგის აღმასრულებელი დირექტორი დენის მილენბერგი ამბობს, რომ მარსზე პირველ ადამიანს სწორედ მისი კომპანია გაგზავნის და არა SpaceX. მან ეს ჩიკაგოში გამართულ ღონისძიებაზე განაცხადა.

ბოინგს კოსმოსური მოგზაურობის სფეროში დიდი გამოცდილება აქვს. კომპანია ამჟამად NASA-სთან ერთად ახალ რაკეტაზე მუშაობს, Space Launch System (SLS) კაცობრიობის ისტორიაში ყველაზე მძლავრი რაკეტა იქნება. NASA-ს და ბოინგს აქამდეც წარმატებით უმუშავიათ ერთად. კომპანიამ Saturn V-ის ტიპის რაკეტის შექმნის საწყის ეტაპზე იმუშავა. ეს ის რაკეტაა, რომელმაც 60-იან და 70-იან წლებში მრავალი წარმატებული კოსმოსური მისია შეასრულა, მათ შორის აპოლონ 11-ის მისია, რომლის დროსაც ბაზ ოლდრინი და ნილ არმსტრონგი მთვარეზე დასხდნენ.

ილონ მასკის თქმით, ბოინგის და ნებისმიერი სხვა კომპანიის ჩართულობა კოსმოსურ რბოლაში ყველასთვის სასარგებლო იქნება, რადგან ამ რბოლაში გამარჯვებული და დამარცხებულები არ არსებობენ და კონკურენცია მიზნის მიღწევას ხელს შეუწყობს.