ქარიშხალი მეთიუ მესამე კატეგორიის შტორმად შეფასდა. NBC-ის ცნობით, პარასკევს გამთენიისას ის ფლორიდის სანაპიროს მიადგა.

"არ გახვიდეთ სანაპიროზე, ეს შტრომი მოგკლავთ" - აფრთხილებს შტატის მთავრობა მოსახლეობას.

ქარიშხალი შტატის აღმოსავლეთ სანაპიროზეა. ქარიშხლის ეროვნულმა ცენტრმა პარასკევს, ამერიკის დროით დილის 2 საათზე, განაცხადა, რომ ძალიან საშიში ქარიშხალი ფლორიდის აღმოსავლეთს უახლოვდებოდა.

მეთიუ ფლორიდაში ხუთშაბათს წვიმის სახით გამოჩნდა. მთავრობის წარმომადგენელმა რიკ სკოტმა ის "კატასტროფულად" შეაფასა.

"სახლების დატოვების საჭიროება არ არსებობს" - განაცხადა მან ქარიშხალზე, რომელმაც 300-მდე ადამიანი იმსხვერპლა ჰაიტიზე.

ამის მიუხედავად, ეროვნული დახმარების სამსახურმა უკვე მილიონნახევარი მოქალაქის ფლორიდის სანაპიროებიდან ევაკუაცია განახორციელა.