ერეკლე დეისაძის და თემო ეზუგბაიას პროექტი Eko & Vinda Folio ახალ ალბომში შემავალ სიმღერაზე თერაპია ვიდეოკლიპს ავრცელებს.

ჯგუფი კონცერტებს საფრანგეთის ქალაქებში გამართავს — 28 ნოემბერს ლიონში, 1 დეკემბერს პარიზში, 5 დეკემბერს ნანტში და 6 დეკემბერს ტურკუენში.

მათი სადებიუტო ალბომი ფრანგულ მუსიკალურ ლეიბლზე, Talitres-ზე გამოვა. ამ ლეიბლზე გამოცემულია ისეთი ცნობილი ჯგუფების ალბომები, როგორებიც არიან The National, Motorama, Destroyer, The Walkmen და ა.შ.

Eko & Vinda Folio-ს ალბომს თერაპია ეწოდება და ის დღის სინათლეს 2019 წლის 20 სექტემბერს იხილავს.

თერაპია ფირფიტაზე, კომპაქტ დისკზე, აუდიოკასეტაზე და ასევე, ციფრული ვერსიით იქნება ხელმისაწვდომი. აღსანიშნავია, რომ მასში შემავალი ყველა კომპოზიცია ქართულენოვანია.