დღეს სწორედ ის დღეა, როცა დემნა გვასალიას ფრანგული ბრენდის, ვეტმოს ახალ პროდუქტს გაგაცნობთ, რომელიც ნოსტალგიასაც მოგგვრით და ამასთან ერთად, მის გადაჭარბებულად მაღალ ფასზეც დაგაფიქრებთ.

ამჯერად ვეტმომ სათამაშო ცხოველების დიზაინით ინსპირირებული "ჩუსტები" გამოუშვა. თეთრი და ყავისფერი დათვის თბილი "ჩუსტები" საშემოდგომოდ იდეალური რამ ჩანს, თუმცა მისი ფასი ონლაინ მაღაზიაში 680 ფუნტ სტერლინგია [826 დოლარი].

მოდის ბიზნესში ბოლო დროს ტრენდულია უჩვეულო და გაზვიადებული დიზაინის პროდუქცია, რომელიც მიმების წყარო გახდება — საბოლოოდ კი, მათი ძიება ინტერნეტში უფრო და უფრო მატულობს, რაც გაყიდვებზე დადებითად აისახება. სწორედ ამ ტრენდის ნაწილია სათამაშო დათვის "ჩუსტებიც".