ნიუ-ჰემფშირში გამართულ კამპანიაზე პრეზიდენტ დონალდ ტრამპს მხარდამჭერი მოწინააღმდეგეში აერია და მას წონაზე დასცინა.

"ამ ბიჭს წონის სერიოზული პრობლემა აქვს. სახლში წადი და ივარჯიშე. მოაშორეთ აქედან, თუ შეიძლება", — განაცხადა ტრამპმა საჯაროდ.

როგორც აღმოჩნდა, ფრენკ დაუსონი კამპანიაზე ტრამპის მხარდასაჭერად იყო მისული და მოაჯირიდან მუშტებს უქნევდა იმ გამპროტესტებლებს, რომლებიც პოლიციას ადგილიდან გაჰყავდა.

მას ასევე მაისური ეცვა, ტრამპის მხარდამჭერი მესიჯით — Trump 2020.

თავად დაუსონმა თქვა, რომ ის ტრამპზე ნაწყენი არაა:

"ყველაფერი კარგადაა, ვგიჟდები ამ ბიჭზე. ის საუკეთესოა ამერიკის ისტორიაში".

ფრენკ დაუსონი

ფოტო: Reuters

ტრამპმა მოგვიანებით შეიტყო, რომ შეცდომით მხარდამჭერს დასცინა და მასთან დაკავშირება სცადა. როგორც თეთრი სახლის ადმინისტრაციამ განაცხადა, პრეზიდენტმა ფრენკთან საუბარი ვერ შეძლო, თუმცა ხმოვანი მესიჯი დაუტოვა, რომელშიც, წონაზე დაცინვაზე ბოდიშის მოხდის ნაცვლად, მხარდაჭერისთვის მადლობა გადაუხადა.