BBC-ის ცნობით, აშშ-ს საიმიგრაციო სამსახურის განცხადებით, თავისუფლების ქანდაკების მუზეუმში ამოტვიფრული ლექსი, შესაძლოა, შეიცვალოს მას შემდეგ, რაც ლეგალური მიგრანტებისთვის ჰუმანიტარული დახმარების აკრძალვის პოლიტიკა შეიმუშავეს.

კონკრეტულ პასაჟს ლექსიდან: "მომეცი შენი დაღლილი, მშიერი ხალხის მასა, რომელთაც თავისუფლად სუნთქვა სურთ", ოფიციალურმა პირებმა დაამატეს სიტყვები: "რომელთაც თავიანთ ორ ფეხზე დგომა შეუძლიათ და არ გახდებიან მთავრობაზე დამოკიდებული".

მოქალაქეობისა და საიმიგრაციო სამსახურის ხელმძღვანელმა, კენ კუჩინელიმ 12 აგვისტოს გამოაცხადა ახალი განკარგულება, რომლითაც ლეგალურ მიგრანტებს ეზღუდებათ ისეთი სარგებლის მიღება, როგორიცაა სახელმწიფოს მიერ დაფინანსებული საცხოვრებელი და საკვები. ახალი რეგულაცია 15 ოქტომბრიდან შევა ძალაში.

ფოტო: GETTY IMAGES

"ახალი წესი მიზნად ისახავს "საკუთარი თავის რჩენის იდეალების" გაძლიერებას", — განმარტავენ საიმიგრაციო სამსახურში. ცვლილებას კრიტიკაც მოჰყვა, ოპონენტები აცხადებენ, რომ ამ კანონის შემდეგ დაბალშემოსავლიანი რეზიდენტები დახმარებას ვეღარ მიიღებენ.

ლექსი The New Colossus (ახალი კოლოსი) 1883 წელს ნიუ იორკში დაბადებულმა პოეტმა ემა ლაზარუსმა დაწერა. მწერალმა ეს სონეტი თავისუფლების ქანდაკების კონსტრუქციის პედესტალის აშენებისთვის, ფულის შესაგროვებლად დაწერა. 1903 წელს ლექსი ბრინჯაოს ფილაზე ამოტვიფრეს და პედესტალზე დაამაგრეს.

თავისუფლების ქანდაკება ჩაგვრისგან განთავისუფლებას აღნიშნავს. მისი დადგმის დღიდან თვითმფრინავის ერამდე ეს იყო პირველი ნიშანი, რომელსაც აშშ-ში ჩასული მილიონობით ემიგრანტი ხედავდა ევროპიდან ოკეანის გადმოჭრის შემდეგ.