რუსთავი 2-ის მოქმედი დირექტორი, პაატა სალია ამბობს, რომ მისმა წინამორბედმა, ნიკა გვარამიამ სტრასბურგის სასამართლოს გადაწყვეტილებამდე ტექნიკა იყიდა, მის დასაფარად კი არხის სრული არქივი 200 ათას ლარად გაქვითა. ამის შესახებ მან ბრიფინგი გამართა

მისი თქმით, კონტრაქტი კომპანია ინტერმედიასთან დაიდო, რომლის მფლობელებმაც ახალი არხის დაფუძნება დააანონსეს.

"მივმართავთ სასამართლოს გვარამიას მიერ მიყენებული ზიანის ანაზღაურების მოთხოვნით", — თქვა სალიამ.

დღეს, 12 აგვისტოს არხის მფლობელმა, ქიბარ ხალვაშმა არხის გაყიდვასთან დაკავშირებით განცხადება გაავრცელა. ხალვაში აცხადებს, რომ არხს, დღევანდელი მდგომარეობით, 70 მილიონი ლარის ოდენობის ვალი აქვს.