მოძრაობა რუსეთი ოკუპანტიამ თბილისში, მოსკოვის გამზირზე საპროტესტო აქცია გამართა. ომის 11 წლისთავზე მათ გამზირზე მიიტანეს აბრები, რომლებსაც აგვისტოს ომში დაღუპულ 170 სამხედროს გვარები აწერია.

ამ ფორმით მათ კიდევ ერთხელ მოუწოდეს მერიას, რომ შეუცვალოს მოსკოვის გამზირს სახელი.

"ეს არის 170 მიზეზი იმისთვის, რომ მოსკოვის გამზირი აღარ ერქვას. ნებისმიერი ამ სამხედროს სახელის დარქმევა ღირსეული გადაწყვეტილება იქნება", — განაცხადა აქციის ერთ-ერთმა ორგანიზატორმა გიგა მაქარაშვილმა.

ფოტო: მარიამ გეგუჩაძე

აქამდე, აქტივისტებმა მოსკოვის გამზირზე აბრებს სტიკერები გადააკრეს, რომელსაც საოკუპაციო რეჟიმის მიერ მოკლული არჩილ ტატუნაშვილის სახელი ეწერა. იგივე მოთხოვნით შექმნილი იყო პეტიციაც.