თბილისის ზოოპარკში ამჯერად წვერცანცარა ფაფრიანი ცხვრების შვილები გაჩნდნენ. ზოოპარკი ფეისბუქის გვერდზე ფოტოს ავრცელებს და წერს, რომ ფაფრიანი ცხვრების თიკნები იმდენად ყოჩაღები არიან, რომ დაბადებიდან რამდენიმე დღეში იწყებენ კლდეებზე ძრომიალს:

"არც უფროსების მითითებები სჭირდებათ — აბა, ახლა აქ მოეჭიდე, აბა, ახლა იქ დაადგი, შვილო, ჩლიქი, რომ ძირს არ დაებერტყოო. თავადაც მშვენივრად ართმევენ თავს ვერტიკალურ განსაცდელებს და დღეში ოცორმოცჯერ იპყრობენ ვოლიერში განთავსებული კლდის მწვერვალს".

ბოლო ათ დღეში თბილისის ზოოპარკში ზებრა და ორი ნიამორი გაჩნდა.