ფინანსთა სამინისტროს საგამოძიებო სამსახურმა ყალბი სამედიცინო სერტიფიკატის დამზადების ბრალდებით ერთი პირი დააკავა. გამოძიების ინფორმაციით, პროფესიული სასწავლებლის დირექტორმა დაამზადა და 950 ლარად გაასაღა სამედიცინო განათლების მიღების დამადასტურებელი ყალბი სერტიფიკატი, რა დროსაც ის დააკავეს.

გამოძიება სისხლის სამართლის კოდექსის 221-ე მუხლის მე-3 და 362-ე მუხლის პირველი ნაწილებით მიმდინარეობს, რაც კომერციულ მოსყიდვასა და ყალბი დოკუმენტის დამზადება- გასაღებას გულისხმობს. აღნიშნული ქმედება სასჯელის სახით ითვალისწინებს თავისუფლების აღკვეთას 2-დან 4 წლამდე ვადით.