რუსეთში, მოსკოვის თეატრ სოვრემენიკის მსახიობი, დმიტრი სმოლევი იმის გამო დააკავეს, რომ გასართობ ვიდეოში საგზაო პატრულის ნასვამი თანამშრომელი განასახიერა. BBC-ს ინფორმაციით, მას რვადღიანი ადმინისტრაციული პატიმრობა მიუსაჯეს. ქვეყნის შინაგან საქმეთა სამინისტროში მიიჩნევენ, რომ მსახიობმა თავისი საქციელით პოლიციის მუშაობის დისკრედიტაცია მოახდინა.

პოლიციამ დიმიტრი სმოლევი სამშაბათს, 30 ივლისს დააკავა. მას ბრალი ადმინისტრაციული სამართალდარღვევათა კოდექსით წაუყენეს: "ფორმის უკანონო ტარება" და "წვრილმანი ხულიგნობა".

ვიდეორგოლში, რომელიც TikTok-ზე გამოჩნდა, მსახიობი პოლიციის ნასვამ თანამშრომელს განასახიერებდა. ვიდეოს ავტორი მას ეკითხებოდა იყო თუ არა ის ნასვამი, რაზეც მსახიობი პასუხობდა "რა გაგებით?" და ყანყალებდა.

თვითონ მსახიობმა დაკავების შემდეგ თქვა, რომ მას ვიღაც ბლოგერის კლიპში იღებდნენ და ფორმაც სწორედ მანდ მისცეს.

"კლიპის მიხედვით, მე ვაჩერებ მანქანას და მართვის მოწმობას ვამოწმებ... სანამ განათებას აკეთებდნენ, ვიღებდით, ვერთობოდით", — განმარტა მსახიობმა. მისივე თქმით, პოლიციის შეურაცხყოფის სურვილი არ ჰქონია. ამასთანავე ის ამბობს, რომ კლიპში ნასვამს თამაშობს, თუმცა უშუალოდ თვითონ ნასვამი არ ყოფილა, ხოლო გასართობი ვიდეო გადამღები ჯგუფის პროდიუსერმა გააკეთა.