6 აგვისტოს სომხეთში ევროპის ლიგის საკვალიფიკაციო ეტაპის შეხვედრა გაიმართება. რესპუბლიკის მოედანზე ერთმანეთს სომხეთის არარატი და საქართველოს საბურთალოს საფეხბურთო კლუბები შეხვდებიან. საპასუხო მატჩი კი 15 აგვისტოს თბილისში გაიმართება.

სომხეთის არარატმა საქართველოს საბურთალოდან ჩანიშნულ თამაშს სპეციალური პოსტერი მიუძღვნა, რომელზეც სიმბოლურად ფილმ მიმინოს მთავარი გმირები ვალიკო მიზანდარი და რუბენ ხაჩიკიანია გამოსახული.

"სომხურ-ქართული მეგობრული კონფლიქტი ჩვენი მონაწილეობით, მოდით სტადიონზე და მხარი დაგვიჭირეთ", — წერს სომხეთის არარატი.

ფოტო: FC Ararat-Armenia / Facebook