ტრამპის უკვე დიდი ხანია უნდა, რომ აშშ-მექსიკის საზღვარზე კედელი აღმართოს. პრეზიდენტის სასაზღვრო პოლიტიკის გასაპროტესტებლად კი ტერიტორიაზე აიწონა-დაიწონა გააკეთეს.

იდეა კალიფორნიის უნივერსიტეტის პროფესორს, რონალდ რაელს ეკუთვნის, რომელიც ფიქრობს, რომ ერთი შეხედვით უწყინარი გასართობით, რომლითაც ამერიკელი და მექსიკელი ბავშვები ითამაშებენ, ორი ქვეყნის მოსახლეობის დაახლოებას შეუწყობს ხელს.

საზღვარზე გადებული აიწონა-დაიწონა საკმაოდ ორიგინალური პროტესტის ფორმა აღმოჩნდა და ხელოვანის ინსტაგრამის გვერდზეც დიდი გამოხმაურება და მოწონება დაიმსახურა.

აღსანიშნავია, რომ მექსიკის საზღვარზე კედლის აგება აშშ-ს 45-ე პრეზიდენტის, დონალდ ტრამპის ერთ-ერთი მთავარი წინასაარჩევნო დაპირება იყო. იდეას, რომელსაც დღემდე არ იზიარებენ და კონგრესის დემოკრატი ლიდერები, თავიდანვე ბევრი მოწინააღმდეგე ჰყავდა.