საჭმლის მიწოდების სერვისის Menu.ge-ს მფლობელმა კომპანია Menu Group-მა უკრაინის ბაზრის წამყვანი მოთამაშე eda.ua შეიძინა, რომელიც უკრაინის 29 ქალაქში ოპერირებს. უახლოესი 2 წლის განმავლობაში Menu Group მიზნად ისახავს კიდევ 10 მლნ დოლარზე მეტი ინვესტიციის განხორციელებას იმისათვის, რომ შევიდეს ყაზახეთის, მოლდოვის, უზბეკეთის და ყირგიზეთის ბაზრებზე.

დღეის მდგომარეობით, Menu Group საქართველოში, სომხეთსა და ბელორუსიაში 2 000-ზე მეტ რესტორანს ემსახურება. საქართველოში კომპანია უკვე მუშაობს თბილისში, ბათუმში, ქუთაისში, გორსა და რუსთავში და 500 ზე მეტი რესტორნის პარტნიორია. წლის ბოლოს კომპანია გეგმავს GMV-ს პარამეტრით 35 მლნ დოლარზე გასვლას. Menu Group-ს ასევე სურს მიაღწიოს 10 მლნ დოლარის ოდენობის მოგებას.

უკრაინაში სერვისი ჰიბრიდული ბიზნეს მოდელის მიხედვით იმოქმედებს. კერძოდ, კომპანია დამოუკიდებლად მიაწოდებს შეკვეთებს უკრაინის 10 ქალაქში და იმუშავებს როგორც გაყიდვების ოპერატორი საიტი (marketplace) კიდევ 19 ქალაქში. Eda.ua-ს 1500-ზე მეტი პარტნიორ-რესტორანი კი, ეტაპობრივად გადმოვა Menu.ua-ს პლატფორმაზე.

უკრაინაში საჭმლის მიწოდების ბაზარი, ისევე როგორც საქართველოში, მუდმივად იზრდება. რაც პირდაპირ კავშირშია მობილური ინტერნეტის მომხმარებელთა რაოდენობის ზრდასთან. დღეს უკრაინის მოსახლეობის 60%-ზე მეტი (25 მლნ ადამიანი) არის მობილური ინტერნეტის მომხმარებელი. აქედან 15-20% უკვეთავს საჭმელს ონლაინ (4-5 მლნ ადამიანი). ახლა ონლაინ გაყიდვები გენერირებს რესტორნების საერთო მოგების 20%-ს, თუმცა ეს მაჩვენებელი იზრდება, რადგან შეკვეთების სიხშირე ონლაინში უკვე 2-3-ჯერ აღემატება ადგილზე მიმსვლელთა რაოდენობას.

"უკრაინის საჭმლის მიწოდების ბაზარი, ჩვენთვის ისევე საინტერესოა, როგორც საქართველო. ჩვენ ვხედავთ დიდ პოტენციალს არა მარტო დედაქალაქში, არამედ რეგიონებშიც. ბაზრის მოცულობა სწრაფად იზრდება — მინუმუმ 20% ით წელიწადში. Eda.ua-ს თან ერთად ჩვენ ვგეგმავთ მივაწოდოთ ხარისხიანი სერვისი ჩვენს კლიენტებს, პარტნიორ რესტორნებსა და კურიერებს. ვქმნით რა საჭმნილ მიწოდების სერვის უფრო ხელმისაწვდომს, ჩვენ ყოველდღიურად ვანვითარებთ ჩვენს პროდუქტს", — აცხადებს Menu.ge-ს დირექტორმა თამარ არევაძე.

დირექტორთა საბჭოს წევრმა და ვენჩურული ფონდის Perea Capital-ის მმათველმა პარტნიორმა ომარ მუსამ აღნიშნა, რომ Menu Group-ის დირექტორთა საბჭოს უახლოესი 3 წლის სტრატეგიის ნაწილი სხვადასხვა ბაზარზე აქტიური ექსპანსიაა.

"როგორც Eda.ua-ს ერთ-ერთი ფუძემდებელი, Chernovetskyi Investment Group, ყოველთვის ცდილობდა თავისი ბიზნეს პორთფოლიოს მაშტაბირებასა და პარტნიორების მოძიებას, ზუსტად ამიტომ Menu Group-თან თანამშრომლობაში ჩვენ ვხედავთ დიდ პერსპექტივას", — განაცხადა ვლადიმერ კრივკომ, ფონდის მმართველმა პარტნიორმა.

Menu Group UK LTD- ეს არის საერთაშორისო კომპანია, რომელიც აერთიანებს საკვების მიწოდების სერვისს სომხეთის, საქართველოსა და ბელორუსიის რესტორნებიდან და წარმოადგენს უპირობო ლიდერს აღნიშნულ ქვეყნებში. ექვს ნახევარი წლის მუშაობის განმავლობაში სერვისმა მიაღწია უმაღლეს შედეგებს და პოსტ-საბჭოთა სივრცეში უჭირავს პირველი ადგილი საკვების მიწოდების მასშტაბით (რუსეთს თუ არ მივიღებთ მხედველობაში). დღეისთვის პროექტი აერთიანებს 2000-ზე მეტ პარტნიორ-რესტორანს.