კალიფორნიაში გასტრონომიულ ფესტივალზე შეიარაღებული თავდასხმას 3 ადამიანი ემსხვერპლა, 15 კი დაშავდა.

პოლიციამ თავდამსხმელი მოკლა მას შემდეგ, რაც მან ფესტივალის მონაწილეების მისამართით ცეცხლი გახსნა. პოლიცია მუშაობს ვერსიაზეც, რომ მეორე ეჭვმიტანილი ისევ თავისუფალია.

გილროის ნივრის ფესტივალი კვირის დასასრულს იმართებოდა. თვითმხილველების თქმით, თავდამსხმელი საშუალოდ 30 წლის თეთრკანიანი კაცი იყო.

სოციალურ ქსელში გავრცელდა ვიდეო, სადაც ჩანს, როგორ გარბის ხალხი ფესტივალის ტერიტორიიდან.

"რა ხდება? ვინ ისვრის", — ისმის ვიდეოში ქალის ხმა.

ადგილზე პოლიციის ოპერაცია ამ წუთებშიც მიმდინარეობს. თავდასხმის მოტივი ამ დროისთვის უცნობია.