რუსთავი 2-ის დამფუძნებელი დავით დვალი ამბობს, რომ შინაგან საქმეთა მინისტრი გიორგი გახარია უნდა გადადგეს. მისი თქმით, 20 ივნისის პარლამენტთან აქციაზე იყო და დღემდე ეს მოთხოვნა აქვს. ამის შესახებ დვალმა პარლამენტში ისაუბრა.

დღეს, 26 ივლისს პარლამენტის ოპოზიციონერი დეპუტატები რუსთავი 2-ის დამფუძნებლებს, ჯარჯი აქიმიძესა და დავით დვალს ხვდებიან. დვალის თქმით, ისინი უკვე შეხვდნენ არხის ახალ დირექტორს პაატა სალიას. მისივე თქმით, მას არ სჯერა რუსთავი 2-ის სარედაქციო დამოუკიდებლობის შენარჩუნების.

გიორგი გახარიას გადადგომის მოთხოვნით უკვე ერთ თვეზე მეტია პარლამენტთან აქციები იმართება. ეს მოთხოვნა 20 ივნისის აქციის დაშლის მერე გაჩნდა.