ნაციონალური მოძრაობის დროს შსს-ს ანალიტიკური დეპარტამენტის უფროსის, შოთა უტიაშვილისა და რუსთავი 2-ის ჟურნალისტის, ეკა კვესიტაძის სახლთან უტიაშვილის ფეისბუქსტატუსის გასაპროტესტებლად აქცია იმართება. კვესიტაძისა და უტიაშვილის ცნობით, ეს პირები ხელისუფლების მხარდამჭერები და "კოკა ყანდიაშვილის ტროლები" არიან.

ჟურნალისტი, ეკა კვესიტაძე აქციას ხელისუფლების მხრიდან ზეწოლად აფასებს და მის რუსთავი 2-ში დარჩენას უკავშირებს. ის მიმართავს არასამთავრობო ორგანიზაციებსა და საერთაშორისო კორპუსს რეაგირებისკენ.

"შსს ახლავე მოაშორეთ ჩემი სახლიდან ყანდიაშვილის შავ-ბნელი რაზმი, რომლებმა ლანძღვა-გინების კორიანტელი დააყენეს და ბაშვები შემიშინეს. ფსკერს ნუ ხვრიტავთ #სირცხვილია პატრული გამოძახებული მყავს და როგორ რეაგირებს მოახდენთ ახლა დაგაკვირდებით", — წერს ეკა კვესიტაძე.

აქციის მონაწილეები შოთა უტიაშვილისგან ბოდიშის მოხდას ითხოვენ და აცხადებენ, რომ გორიდან არიან.

შოთა უტიაშვილმა ფეისბუქზე დაწერა, რომ "ომის შემდეგ, მიუხედავად მისი პლიუს-მინუსისა, საქართველოს დაუგროვდა პოლიტიკური კაპიტალი, რომელიც ეხლა იფლანგება".

"ეს პოსტი შეიძლება მოგეწონოს, შეიძლება — არა, დაეთანხმო, ან არ დაეთანხმო, მაგრამ რასაც ახლა მთავრობა აკეთებს, არაფერში არ ჯდება. სახლთან მომისია ტროლების რაზმი, რომელიც იქ ცირკს აწყობს. შსს-მოაშორეთ აქედან ესენი, სულ ნუ გადავრდებით მარაზმში", — წერს უტიაშვილი.