დღეს, 25 ივლისს, 12 საათზე, საკონსტიტუციო სასამართლო არსებითად განიხილავს მოქალაქის სარჩელს, მემკვიდრეობის უფლების მქონე პირების ჩამონათვალში შვილთან/ნაშვილებთან ერთად მოიზარებოდეს გერი. არსებული კანონმდებლობით, ჩამონათვალში, მემკვიდრეთა არარსებობის შემთხვევაში მამკვიდრებელის ქონება გადაეცემა სახელმწიფოს.

მოსარჩელე გადაცვლილი მამკვიდრებლის გერია და მიჩნევს, რომ ირღვევა კონსტიტუციით დაცული მისი მემკვიდრეობის უფლება.

"იგი [მოსარჩელე] უთითებს, რომ დედინაცვალს/მამინაცვალს და გერს შორის, შესაძლოა, არსებობდეს ურთიერთპატივისცემასა და მზრუნველობაზე დაფუძნებული ხანგრძლივი ურთიერთობა. შესაბამისად, სხვა მემკვიდრეების არარსებობის შემთხვევაში კანონი დედინაცვლის/მამანაცვლის ქონებაზე მემკვიდრეობის უფლებას მას უნდა ანიჭებდეს ნაცვლად ქონების სახელმწიფოსათვის გადაცემისა", — ნათქვამია საკონსტიტუციოს განცხადებაში.

მოქალაქე სადაოდ აყენებს საქართველოს სამოქალაქო კოდექსის 1343-ე მუხლის პირველი ნაწილის სიტყვებს "ხოლო თუ მამკვიდრებელი მოხუცთა, ინვალიდთა, სამკურნალო, აღმზრდელობით და სოციალური დაცვის სხვა დაწესებულებათა რჩენაზე იმყოფებოდა, მაშინ – მათ საკუთრებაში".

იგი აცხადებს, რომ ჩანაწერი ეწინააღმდეგება კონსტიტუციის მე-11 მუხლის პირველ პუნქტს [ყველა ადამიანი სამართლის წინაშე თანასწორია] და სამოქალაქო კოდექსის 1336-ე მუხლისა და 1343-ე მუხლის პირველ ნაწილი შეუსაბამოა საქართველოს კონსტიტუციის მე-19 მუხლის [საკუთრების უფლება] პირველ და მე-2 პუნქტებთან მიმართებით.