ადამიანის უფლებათა დაცვის კომიტეტის თავმჯდომარე, სოფო კილაძე "ინგას" მისამართით რუსთავის საკრებულოს თავმჯდომარის, ლევან ონიანის სექსისტურ, დამამცირებელ და შეურაცხმოფელ კომენტარს Facebook-ზე ეხმაურება.

კილაძე აღნიშნავს, რომ ჩვენს საზოგადოებაში ქალის დაკნინება არავის უნდა გაუვიდეს.

"ასეთი გამონათქვამები ქალების წინააღმდეგ არის სამარცხვინო, მით უმეტეს საქართველოს ტრადიციულ კულტურაში, სადაც ქალებს განსაკუთრებულ სცემენ პატივს. ორმაგად სამარცხვინოა, როდესაც ამას აკეთებს პოლიტიკური პარტიის წარმომადგენელი", — წერს კილაძე.

Facebook პოსტი, რომელზეც ონიანმა დააკომენტარა "ინგა ჩივის უკონტაქტო გაუპატიურებისთვის" ჟურნალისტ ინგა გრიგოლიას მისამართით იყო დაწერილი. ონიანმა თქვა, რომ ეს კომენტარი სხვა ინგაზე დაწერა. ონიანის ამ კომენტარის გასაპროტესტებლად ორშაბათს, 15 ივლისს რუსთავში აქცია გაიმართება.