რომის პაპი ფრანცისკე, მცხეთაში სვეტიცხოვლის საკათედრო ტაძარში მმკ-ს წევრების აქციის ფონზე მივიდა. "ვატიკანი სულიერი აგრესორია”, - ამ ლოზუნგით სასულიერო პირები სვეტიცხოვლის ტაძრის ერთ-ერთ შესასვლელთან აქციას მართავენ და სვეტიცხოველში რომის პაპის ფრანცისკეს მისვლას აპროტესტებენ.

ამ წუთებში მართმადიდებელი ეკლესიის კათოლიკოს პატრიარქი ილია მეორე ხვდება რომის პაპს სვეტიცხოველში.

მცხეთაში არიან ხელისუფლების, დიპლომატიური კორპუსისა და სამღვდელოების წარმომადგენლები.

მონასტრის გარშემო ტერიტორიაზე პოლიციელები არიან მობილიზებული და ტაძარში შესვლა სპეციალური საშვებით ხდება.