რეჟისორმა და მსახიობმა ელიზაბეტ ბენკსიმ Sony Pictures-თან ერთად პოპულარული ამერიკული ფილმის ჩარლის ანგელოზების ახალი ვერსია გადაიღო. სონი ფილმის პირველ ტრეილერს ავრცელებს.

ფილმში ანგელოზების როლს კრისტენ სტიუარტი, ნაომი სკოტი და ელა ბალინსკა ასრულებენ. ერთ-ერთი მთავარი ცვლილება კი ძირითადი პერსონაჟის - ბოსლის ცვლილებაა, რომელიც ჩარლის წარმომადგენელია და მას 2000 წელს გამოსულ ფილმში ბილ მიურეი განასახიერებს.

ახლა პერსონაჟის ნაცვლად, ბოსლი ორგანიზაციის წოდება იქნება, დაახლოებით ისეთი, როგორც ლეიტენანტია. ახალ ფილმში ეს წოდება ჩარლის სამივე ანგელოზს ექნება.

ანგელოზების პირველი ვერსია (სერიალი) ABC-ის ეთერში 1976-1981 წლებში გადიოდა, ის 110 ეპიზოდის განმავლობაში ამერიკული პოპ კულტურის ერთ-ერთ თვალსაჩინო ნიმუშად იქცა. მოგვიანებით, 2000 წელს სწორედ ამ შოუს მიხედვით გადაიღეს შემოსავლების ერთ-ერთი ლიდერი ფილმი, სადაც ანგელოზების როლს კამერონ დიაზი, ლუსი ლუ და დრიუ ბერიმორი ასრულებდნენ.