29 სექტემბრის მთავრობის სხდომაზე, პრემიერმა გიორგი კვირიკაშვილმა განაცხადა, რომ "ანაკლიის განვითარების კონსორციუმსა" და საქართველოს მთავრობას შორის გასაფორმებელი საინვესტიციო სამუშაოს მომზადება დასრულდა. პრემიერის თქმით, მთავრობის მიერ პროექტის დამტკიცების შემთხვევაში, უკვე ხელი მოეწერება ხელშეკრულებას და წლის ბოლომდე სამუშაოები დაიწყება.

"სამ წელიწადში პორტი ფუნქციონირებას დაიწყებს და, რა თქმა უნდა, ათასობით ადამიანს დაასაქმებს, როგორც უშუალოდ, ასევე ირიბად. ინვესტორის მხრიდან ჩადებულია ვალდებულება, შექმნას ტრენინგ-ცენტრი ადგილობრივი მოსახლეობის მოსამზადებლად, რომელიც შემდგომში პორტში დასაქმდება, რაც ძალიან მნიშვნელოვანია. კერძო ინვესტორის მხრიდან გათვალისწინებულია მთელი ინფრასტრუქტურის შექმნა, მათ შორის - ამბულატორია, საბავშვო ბაღი, ბიზნესცენტრი და სპორტული მოედნები."

გიორგი კვირიკაშვილის თქმით, პროექტის პირველ ფაზაში 586 მილიონი აშშ დოლარის ინვესტირება არის გათვალისწინებული.